Vaduz

Vaduz
	Instancia de concellos de Liechtenstein; cidade fronteiriza; capital nacional
	Nome orixinal Vaduz (de)
Características
	Lingua oficial lingua alemá
Implicados
	Xefe do goberno Cargo: alcalde de Vaduz ; Petra Miescher (2023 - ); Tudor Ospelt (en) (2007 - )
Datas
	Fundación / creación 1150 (Gregoriano)
Localización
	Situado en Liechtenstein
	Bañado por Río Rin
	Comparte fronteira con Eschen; Balzers; Triesen; Sevelen (pt) ; Triesenberg; Schaan; Planken; Gamprin; Buchs
	Irmandado con Berna; A Paz; Viena
OpenStreetMap
	Coordenadas 47°08′26″N 9°31′20″L / 47.140555555556, 9.5222222222222
Cifras e dimensións
	Poboación 5.668 (2019); 5.429 (2015); 1.400 (1925)
	Poboación 5.668 (2019); 5.429 (2015); 1.400 (1925)
	Superficie 17,3 km²
	Altitude 455 m
	Fuso horario UTC+01:00
Código postal
Códigos e identificadores
Código postal
Código postal	9490
OpenStreetMap	1155956
VIAF	235437997
Freebase	/m/0g35d
Fontes e ligazóns
	Páxina WEB vaduz.li
	Descrito pola fonte Meyers Konversations-Lexikon, 4ª edición (1885–1890) "Q112813958 "; Pequeno Dicionario Enciclopédico de Brockhaus e Efron "Q24764270 "; Dicionario Enciclopédico Brockhaus e Efron "Q24355626 "; Topographia Sueviae (en) "Q113082566 "; Grande Enciclopedia Soviética (1926 - 1947) "Q43474400 " ;
	Wikidata G:Commons C:Commons

Vaduz é a capital do principado de Liechtenstein. É a sede do goberno do Principado e o lugar de residencia da familia principesca desde 1939. A cidade acolle tamén a sede do Arcebispado de Liechtenstein, á par que constitúe unha recoñecida praza financeira internacional.

Contaba con 5.214 habitantes en 2010^[1] e o seu termo urbano esténdese sobre 17,3 km². Está bañada polo río Rin e situada a 455 metros de altitude.

Topónimo

O nome de "Vaduz" aparece mencionado por primeira vez no ano 1150 e polo que parece provén de avadutg, que en lingua romanche significa «acueduto». Alternativamente ofrécese a explicación dunha evolución híbrida do latín vallis "val" e o antigo alto alemán diutisk, "alemán" (deutsch en alemán moderno).

Historia

Desde mediados do século XIV, o castelo de Vaduz era a residencia dos condes de igual nome. En 1719, o conde de Vaduz e a comunidade de Schellenberg uníronse para formar un principado que tomou o nome de Liechtenstein. Desde 1723, o principado obtivo o dereito de sentar e votar no Reichstag (o parlamento ou dieta do Sacro Imperio Romano Xermánico).

No ano 1948 a empresa do municipio de Mauren Contina AG, a 15 km de Vaduz, saca ao mercado a primeira calculadora de peto, a CURTA Tipo I, un invento mecánico de Curt Herzstark deseñado precariamente cando era un preso no campo de concentración de Buchenwald. O dispositivo permitía realizar operacións de suma, resta, multiplicación, división, e raíces cadradas. Foron moi populares ata o 1970, coa chegada da calculadora electrónica.^[2]

Política

O Gemeinderat ou Concello Municipal é elixido por catro anos por votación popular e ten 12 membros.

En xuño de 2001 asinouse en Vaduz a convención da Asociación Europea de Libre Comercio, que liberalizaba o comercio entre os Estados membros incluíndo nos acordos para todos os países os avances en comercio entre Suíza e a Unión Europea.^[3]

A concelleira durante o período 2019 a 2023 Petra Miescher do partido liberal-conservador Unión Patriótica foi escollida alcaldesa no ano 2023 co 55,3 % dos votos, en substitución de Manfred Bischof. Renunciou ao cargo o 24 de maio de 2024 tras unha prolongada baixa médica, o que abriu un debate legal sobre o método de sucesión, xa nin que a lei municipal bipartidista de 1974, nin a revisión de 1996, contemplaban o caso. Finalmente foi o tenente de alcalde, Vizebürgermeister Florian Meier, o nomeado para ocupar o cargo ata que se celebren eleccións o 25 de agosto de 2024.^[4]

Monumentos e sitios de interese

A salientar:

Castelo principesco, remonta ao século XII, con galerías de madeira e arrodeado de viñedos, domina sobre a cidade.
Catedral e igrexa parroquial urbana de St. Florin , edificación neogótica construída entre os anos 1868 e 1873.
Museo de Belas Artes de Liechtenstein (Kunstmuseum Liechtenstein), inaugurado no ano 2000, contén coleccións artísticas que abranguen do século XIX á actualidade.
Museo Postal.

Galería de imaxes

Vista xeral de Vaduz
Catedral
Casa Vermella, punto turístico
Castelo de Vaduz
Vaduz en novembro de 2023
Estatua de Fernando Botero en Vaduz,'Reclining Woman' Muller Recostada.
Lateral da Casa Vermella, propiedade da familia Rheinberger, edificio medieval máis antigo da cidade.^[5]