Al Jazeera
Al Jazeera буюу «Аль-Жазира» (араб. الجزيرة: [аль-жазира], Англи: Al JazeeraAl Jazeera) — Катарын нийслэл Доха хотод төв байртай олон улсын телевизийн компани. 1996 онд Катарын Эмирийн шийдвэрээр байгуулагдсан компани.
«Аль-Жазира» гэх нэр нь араб хэлнээс орчуулбал «арал» гэсэн утгатай. Катарын орших Арабын хойгийг الجزيرة العربية (аль-Жазира аль-Арабийя) гэж нэрлэдэг.
Al Jazeera сүлжээ
[засварлах | кодоор засварлах]- «Al Jazeera» — араб хэлээрх мэдээллийн суваг.
- «Al Jazeera English» — англи хэлээрх дэлхийн мэдээллийн суваг.
- «Al Jazeera Documentary Channel» — араб хэлээр баримтат кино цацдаг суваг.
- «Al Jazeera Sports» — араб хэлээрх спортын суваг.
- «Al Jazeera Mubasher» (буюу «Al Jazeera Live») — Улс төрийн суваг (C-SPAN буюу BBC Parliament сувагтай адил).
- «Al Jazeera Children’s Channel» — хүүхдүүдэд зориулсан суваг (2013 оноос «Жим» нэртэй болсон.
- «Baraem» — араб хэлээрх сургуулийн өмнөх насныханд зориулсан суваг.
- «Al Jazeera Balkans» — босни хэлээрх олон улсын мэдээллийн суваг.
- «Аль-Жазира Америка» (Al Jazeera America) — АНУ дахь суваг; 2013 оны 8-р сард мэдээллээ цацаж эхлээд 2016 оны 4-р сард хаагдсан.
- Rightly — 2021 оноос АНУ-д цацдаг суваг. Fox News-ийн консерватор үзэгчид рүү чиглэсэн суваг.
Компани 2003 оноос интернэтэд англи хэлээр өөрийн «Al Jazeera English» нэртэй сайт ажиллуулдаг.
Сувгийг хориглосон улсууд
[засварлах | кодоор засварлах]Израил болон 6 арабын улсад хориотой телевизийн компани юм.
- Йордан улс 2002 оны 8-р сарын 8-нд компанийн оффисыг хааж, итгэмжлэлийг нь цуцалсан;
- Бахрейн улс 2010 оны 5-р сарын 19-нд "мэргэжлийн стандартыг зөрчсөн, сэтгүүл зүй, хэвлэх, хэвлэлийн үйл ажиллагааг зохицуулсан хууль тогтоомж, журмыг дагаж мөрдөөгүй" гэсэн үндэслэлээр орон нутгийн салбарыг тодорхойгүй хугацаагаар түдгэлзүүлсэн.
- Кувейт улс 2010 оны 12-р сарын 13-нд орон нутгийн салбарыг хааж, итгэмжлэлийг нь цуцалсан;
- Египет улс терроризмыг дэмжиж, худал мэдээ тараасан хэргээр 2017 оны 5-р сарын 25-нд компанийн вэбсайтыг хаасан;
- Саудын Араб улс орон нутгийн салбарыг хааж, 2017 оны 6-р сарын 5-нд итгэмжлэлийг нь цуцалсан;
- Израил улс 2024 оны 5-р сарын 5-нд компанийн оффисыг хаасан бөгөөд үүний дараа Израилд нэвтрүүлэг цацахыг хориглох хугацааг 45 хоног тутамд сунгадаг.
- Палестины улс — 2009 онд Палестины засаг захиргаа (PA) Аль Жазира телевизийг өөрийн нутаг дэвсгэрт нэвтрүүлэг цацахыг өдөөн хатгасан хэргээр хориглосон боловч хэд хоногийн дараа хоригийг цуцалсан. 2024 оны 9-р сарын 22-нд Израилын Батлан хамгаалах хүчин Израильд байсан шигээ Аль Жазирагийн Рамалла дахь оффисын үйл ажиллагааг 45 хоногийн хугацаатай түр зогсоосон. 2024 оны 12-р сарын 23-нд тус сувгийн Исламын бүлэглэл болох Хамас болон Палестины засаг захиргааг дэмжиж байгаатай холбогдуулан Палестины засгийн газар Аль Жазирагийн үйл ажиллагаанд хориг тавьсан гэж орон нутгийн хэвлэл мэдээллийн хэрэгслүүд мэдээлэв.