Transportyor

2009-yilda Angliyaning Thame shahrida namoyish etilgan avtomobillar, mototsikllar va avtobus.

2016-yilda Angliyaning Dart daryosi yaqinida bir guruh qayiq yonidan o'tayotgan poyezd

2008-yilda Xitoyning Yangzhou shahrida velosipedlar, elektr velosipedlar va Skuter (mototsikl) skuterlari

1977-yilda Qo'shma Shtatlarning Kaliforniya ustidagi Kosmik kema va Boeing 747 samolyotlari

Transportyor (lot. transportda tashiyman) – 1) mashinasozlikda – konveyerning ikkinchi nomi; rolikli Transportyor rolgang, vintli Transportyor shnek deb ataladi; 2) qishloq xoʻjaligida – mahsulotlarni uncha uzoq boʻlmagan masofaga uzluksiz yoki muayyan maromda tashish (uzatish) uchun moʻljallangan mashina. Mahsulotlar (kartoshka, sabzi, lavlagi, sholgʻom va boshqalar)ni transport vositalaridan tushirib, omborxonaga uzatish, daladan yoki omborxonadan transport vositalariga ortish; qoʻy junini yungtaroshning ish oʻrnidan tarozi apparati turgan joygacha uzatish uchun moʻljallangan Transportyorlar boʻladi. Transportyor tizimining asosiy qismlari: qabul bunkeri, kurakli koʻtarish transportyori , buriluvchi yuklash transportyori, rama (yurish qismi bilan), gidrotizim, harakatlantirish uzatmasi, elektr dvigateli va boshqarish pulti. Jun uzatish Transportyori elektr dvigatel, reduktor, yoʻnaltiruvchi silindr, uzluksiz tasma va karkasdan iborat. Bunday Transportyor tasmasining kengligi 55 sm gacha, tasma ish qismining uzunligi 45 va 25 m boʻladi. Yung Transportyori chorvachilikda keng qoʻllanadi.