Wikipedia:Wikinoveles

Årtchives di Singulîs sol waibe do Muzêye do Pårlaedje e l' Årdene

Cåzu tos les vîs limeros del gazete Singulîs ont stî metous sol waibe do Muzêye do Pårlaedje e l' Årdene.

Totes les anêyes dispu 1996

Boûsses di scrijhaedje po des pordjets literaires

Li Siervice des Lingaedjes do Payis del Federåcion Walonreye-Brussele a metou so pî, vola ddja sacwants anêyes, des boûsses di dmorance po les scrijhresses et scrijheus e walon poleur ovrer coeymint dins on muzêye. Asteure, c' est l' SLLW ki fwait l' djuri po relire les wangnants.

I fåt evoyî s' candidateure divant l' 10 di setimbe.

Racsegnes

Copinreye do Tchårnoe (dilé Harsin)

Vola dedja leu programe po 2025-2026 del copinreye do Tchårnoe-dlé-Harsin (li mårdi a 8 eures å bontins, al dimeye di ût (7 e.30).

Tinme des copinreyes 26-27
Moes	Djoû	Sudjet
Moes d' setimbe	li 15	nos oujheas
Moes d' octôbe	li 20	Facteurs et factoresses
Moes d' nôvimbe	li 17	Bate al machene
Moes d' decimbe	li 15	Do tins del guere
Moes d' djanvî	li 19	Aprestadje do spectåke di Bande
Moes d' fevrî	li 16	Sudjets libes
Moes d' måss	li 16	Mi ptit molon [hobby]
Moes d' avri	li 20	li mestî d' curé
Moes d' may	li 18	les moxhes al låme
Moes d' djun	li 15	li fenåmoes

Les lingaedjes do payis et les politikîs

On politikî flamind cåze des ptits lingaedjes del Walonreye

Å moumint del Fiesse ås lingaedjes walons 2026, li politikî flamind Wouter Patho (mimbe del N-VA et vice-prezidint do pårti redjonalisse uropeyin «Libe Aliance uropeyinne») a fwait on long tecse (e neyerlandès) åd fwait do walon et des ôtes lingaedjes di Walonreye, so s' pådje Fesse-bok.

(nl) Lére vaici

Les tåvlêyes di cåzaedje å pårlumint del Federåcion Walonreye-Brussele

I gn a yeu ene kession å Govienmint so les tåvlêyes di cåzaedje e walon eyet dins les ôtes lingaedje do payis, å pårlumint del Federåcion Walonreye-Brussele.

(fr) Lére li kesse et l' response del Minisse del Tuzance (ki cåze eto do Decret Valmy Féaux et espliker douvént k' il a, å pus sovint, miné a des pordjets so les seulès belès-letes).

Fiesse ås lingaedjes walons 2026

Li programe del Fiesse ås lingaedjes walons 2026 est metou so les fis : vaici

C' esteut li 30 di may a Lidje (å B3, li bibioteke del province, 1 plaece des årts, a Djudla Mouze).

Totes les racsegnes

Bate di noûmots

Pol bate di noûmots del fiesse ås lingaedjes walons, li tinme e 2026 esteut: «les årts vicants» (dj' ô bén, les årts k' on fwait so li scanfår, u ôte pårt mins padvant on publik).

Rizultats oficirs

Novea studia del Federåcion Walonreye-Brussele so les lingaedjes do payis

(fr) Sacwants racsegnes
(fr) Lére li modêye éndjolike do studia

Studia sol sardignwès et l' walon

Ovraedje ås Longuès Apresses (TLP, fén di sgondaire) rimetant li walon å sardignwès, interessant aprume pa les respondas di deus djins ki disfindèt tchaeke onk des lingaedjes (Laurent Dabe et Cristian Urru). Et pår pa l' inkete sociolinwistike avou 711 responses pol sarde et 378 pol walon, mins dins totes les classes d' ådje (çou k' est co foirt råle po les studias d' sociolinwince).

L' ovraedje est metou so l' Aberteke avou l' åjhmince del sicrijheuse, ey esse aberwetåve ciddé

Cåbaret walon d' Limerlé

Li cåbaret walon d' Limerlé si ténrè li semdi 16 di may a 7 eures al nute a «Voyaedjåjhe e lodjisse» [Périple en la demeure] (gros bastimints e mitan do viyaedje).

Sacwants tecses di tchansons k' î seront tchantêyes (avou des hårdêyes po-z awè l' air).

Racsegnes : [email protected]

Sovnance do cåbaret 2024

Fé rispiter l’ walon avou les Relîs Namurwès

Ene après-nonne å Delta (måjhone del tuzance di Nameur), li mierkidi 27 di may.

Programe :

Ocupaedje po ls efants et les familes avou Joëlle Spierkel (li minme k' al Fiesse ås lingaedjes walons 2025)
Fåves, mintes et paskeyes avou Anne-Marie François, Alain Baume, Gérard Beaumont, Jean-Louis Gérard, Joseph Dewez, Bernard Van Vynckt…
Conferince di Joseph Dewez sol walon dins l' lingaedje francès e l' Beldjike.

Racsegnes

Scoles di walon d' Bive, ashyinnes do bontins 2026

Racsegnes so les scoles di Bive

Strimaedje di «Cwate paskeyes d' asteure»

Li strimaedje del ramexhnêye di noveles «Cwate paskeyes d' asteure» sicrît pa Lucyin Mahin, s' a passé al bibioteke di Djedene li 18 d' avri 2026 a 2 eures di l' après-nonne.

(fr) Po-z atchter l' live

Tos les spitchs do strimaedje

Lijhaedje d' on boket do live (å strimaedje):

Bate "on scrijheu, on djheu" 2026

Evoyîz vosse tecse divant l' 31 di djulete a Annie Rak – Roulotte théâtrale, rue de la Paix 18, 7370 Dour-Elouges.

Pus d' infôrmåcion (e francès).

Cåzaedje so les lives e lingaedje do payis dins li scolaedje

Li 28 di måss, Romain Berger frè on cåzaedje sol fôre do live di Brussele. Li tinme, c' est "les lives e lingaedje do payis, ene atote po-z ewoeyî les efants al varyisté des lingaedjes".

Racsegnes (pådje 16)

Spectåke e walon a Bande

Pol deujhinme anêye, gn årè on spectåke e walon «Copinans Tortos esson.ne» a Bande li 12 di fevrî a deus eures et dmey di l' après-nonne (14e.30). Racsegnes: [email protected] / 084/214908 (aisse del tuzance di Nassogne).

Novea catalogue di lives e walon po les livreyes et les bibiotekes

Les edicions Altura (tinowes pa Primaëlle Vertenoeil, k' a eto bouté so les prumîs lives e walon des edicions Tétras Lyre et so les dierins lives des edicions del province di Lidje) ont fwait on novea catalogue po mete a l' oneur les ovraedjes di 10 soces u eplaideus d' lives e walon. Li catalogue egzistêye so papî po les livreyes et les bibiotekes, et on l' pout eto aberweter e PDF. C' est on pordjet moenné tot shuvant l' « contrat-câde del filire do live » (po sotni l' live come ene industreye del tuzance) del Federåcion Walonreye-Brussele.

Ene sicole a pårt so li scrijhaedje e Feller li 24 di fevrî

Racsegnes so Berdelaedjes

Walon e scole : conte-rindou d' on scoleu

Vocial on conte-rindou des scolaedjes d' on scoleu avou l' programe «walon e scole» del «FWB» e waeyén-tins 2025.

(fr) Aberwetåve vaici (modêye do 22 d' djanvî 2026)